Bullgaria nuk do ta ekstradojë Iva Mihailovën, thotë ministri Demerxhiev dhe në intervistë përmend gabimisht “autoritetet serbe”
Ministri i Brendshëm bullgar Ivan Demerxhiev deklaroi se 23-vjeçarja nga Koçani, për të cilën Maqedonia e Veriut ka shpallur fletarrest ndërkombëtar, nuk do t'i dorëzohet Shkupit; i pyetur për gabimin me Serbinë, ai tha se nuk ishte "gabim aq i madh".
Bullgaria nuk do ta ekstradojë 23-vjeçaren Iva Mihailova nga Koçani, për të cilën Maqedonia e Veriut ka shpallur fletarrest ndërkombëtar, siç njofton Fokus, duke cituar deklaratën e ministrit të Brendshëm bullgar Ivan Demerxhiev.
Sipas raportimit të Fokus, në intervistë Demerxhiev, në vend të autoriteteve maqedonase, tha se Bullgaria nuk do t’ia dorëzojë Mihailovën “autoriteteve serbe”.
I pyetur nga gazetari nëse përmendja e Serbisë ishte gabim i rastësishëm apo i qëllimshëm, Demerxhiev u përgjigj, siç njofton Fokus, se kishte gabuar, por se kjo nuk ishte “gabim aq i madh”.
Fokus rikujton se Mihailova akuzohet për pjesëmarrje në një aksident trafiku në të cilin humbi jetën 33-vjeçari Besim Durmishi. Deklarata e ministrit bullgar e thellon më tej mosmarrëveshjen mes Shkupit dhe Sofjes për këtë rast.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.