Akuzohet si agjente e Kinës, kryebashkiakja në Kaliforni jep dorëheqjen

Një kryebashkiake në Kaliforninë Jugore ka dhënë dorëheqjen pasi Departamenti Amerikan i Drejtësisë e akuzoi se vepronte si agjente për Kinën.

Sipas BBC, 58-vjeçarja Eileen Wang, kryebashkiake e Arcadias, është deklaruar fajtore, ndërsa Këshilli Bashkiak i qytetit konfirmoi dorëheqjen e saj të hënën.

Sipas autoriteteve amerikane, Wang akuzohet se ka ndjekur udhëzime nga zyrtarë kinezë dhe ka shpërndarë artikuj në favor të Pekinit pa e deklaruar këtë pranë qeverisë amerikane, siç kërkohet nga ligji federal ndërsa rrezikon të përballet me deri me 10 vite burg.

Avokatët e saj, Jason Liang dhe Brian Sun, deklaruan se Wang “kërkon falje dhe i vjen keq për gabimet e bëra në jetën e saj personale”, duke shtuar se përkushtimi i saj ndaj komunitetit të Arcadias nuk ka ndryshuar.

Eileen Wang ishte zgjedhur në Këshillin Bashkiak të Arcadias në nëntor 2022. Qyteti drejtohet nga një këshill me pesë anëtarë, ku posti i kryebashkiakut mbahet me rotacion nga secili anëtar.

“Ky pranim fajësie është suksesi më i fundit në përpjekjet tona për të mbrojtur vendin nga tentativat e Kinës për të korruptuar institucionet tona”, deklaroi Ndihmës Prokurori i SHBA-së, Bill Essley. Sipas tij, individët që zbatojnë fshehurazi urdhra të qeverive të huaja minojnë demokracinë amerikane.

Departamenti i Drejtësisë pretendon se Wang ka bashkëpunuar me Yaoning “Mike” Sun, 65 vjeç, për drejtimin e “Qendrës së Lajmeve të SHBA-së”, një faqe interneti që paraqitej si media për komunitetin kinezo-amerikan në Arcadia.

Sipas hetimeve, zyrtarë të qeverisë kineze i dërgonin Wang artikuj të parapërgatitur përmes aplikacionit WeChat. Një prej tyre mohonte akuzat për punë të detyruar dhe abuzime në provincën Xinjiang të Kinës. Prokurorët pretendojnë se Wang e publikoi menjëherë artikullin në faqen e internetit dhe komunikoi më pas me zyrtarin kinez.

Në një reagim në faqen zyrtare të qytetit, administratori i Arcadias, Dominic Lazaretto, i cilësoi akuzat “thellësisht shqetësuese”, duke theksuar se hetimi lidhet me veprime individuale dhe jo me institucionin e bashkisë.

Ai shtoi se, sipas verifikimeve të brendshme, nuk ka prova që financat, personeli apo proceset vendimmarrëse të qytetit të jenë ndikuar nga aktivitetet për të cilat akuzohet Wang.

A Southern California mayor has agreed to plead guilty to acting as an illegal agent for the Chinese government and has resigned from her city position, officials say. https://t.co/Q47PfTLxrt

The mayor of Arcadia, Eileen Wang, 58, has been charged in federal court with acting as an illegal agent of the People’s Republic of China (PRC).Details: https://t.co/cwlxvm4N6x pic.twitter.com/0NHxiejF7X