Alarm për tritol në shkollën “Myslym Keta”

Një objekt i cili dyshohet për tritol, është gjendur në një shkollë të mesme, në zonën e Kombinatit.

Objekti është zbuluar në shkollën “Myslym Keta”, për arsye të së cilës nxënësit e gjimnazit kanë ndërprerë edhe mësimin. Bashkë me ta edhe të gjithë punonjësit e shkollës janë evakuuar nga ambientet e këtij institucioni.

Ajo që ka vënë në alarm gjimnazin në periferi të kryeqytetit është një kuti e lidhur me një celular mbi të, gjë e cila hodhi dyshimet për lëndë plasëse. Njësia Antiterror ka rrethuar zonën përreth shkollës, ndërkohë që po vijojnë hetimet për zbulimin e objektit.

Dyshohet për një kërcënim përmes shpërthimit të telekomanduar, por informacionet janë ende paraprake për shkak se ngjarja sapo ka ndodhur.