Amnistia penale, Berisha: Nuk jemi kurrë dakord me një proces të përvitshëm, goditet rëndë drejtësia

Një ditë pas miratimit në Kuvend me 84 vota të pr.ligjit “Për dhënie amnistie”, kryedemokrati Sali Berisha ka shprehur qëndrimin kundër, duke risjellë në kujtesë vendimet e marra nga PD-ja kur kjo e fundit ihste në pushtet dhe votoi vetëm dy herë pro amnistisë, në 100-vjetorin e pavarësisë dhe në 75-vjetorin e çlirimit të vendit.

Ai akuzoi kryeministrin Edi Rama se e ka shndërruar amnistinë në një rit të përvitshëm duke goditur rëndë drejtësinë.

“Amnistia e drejtë kushtetuese e Parlametit e cila duhet të ushtrohet jashtë ccdo abuziviteti. Edi Rama e ka shdnërruar amnistinë në një rit të përvoitshëm në të cilin ai shumëfishon kriminalitetin, në të cilin godet rëndë drejtësinë.

Amnistitë bëhen kurrë cdo vit, bëhen periodike. Ne kemi votuar amnisti në 100 vjetorin e pavarësisë së vendit dhe në 75 vjetorin e çlirimit të vendit, kur kemi qenë në pushtet. Pra, ne nuk jemi kurrë dakord me një proces të përvitshëm. Ndaj dhe ne vendosëm të mos e votojmë atë ligj”, deklaroi Berisha.

Projektligji “Për dhënie amnistie” u miratua më 18 qershor në Kuvend me 84 vota pro dhe synon krijimin e mundësisë për përfitimin nga amnistia për kategori të caktuara personash, sipas kritereve të përcaktuara në ligj, duke kontribuar në lehtësimin e mbipopullimit në institucionet e ekzekutimit të vendimeve penale dhe duke favorizuar riintegrimin shoqëror të përfituesve.