Angelina Jolie flet për rikthimin në ekran

Angelina Jolie, ka folur hapur për rikthimin e saj në ekran, duke treguar se për një periudhë kishte menduar të tërhiqej nga aktrimi.

Në një intervistë për “Variety”, Jolie tha se kishte filluar të largohej nga aktrimi përpara ndarjes nga ish-bashkëshorti Brad Pitt në vitin 2016, duke u fokusuar më shumë te regjia dhe puna humanitare.

Ajo shpjegoi se me kalimin e kohës e kuptoi se angazhimet e tjera e mbanin larg fëmijëve të saj, ndaj vendosi të rikthehej në projekte të përzgjedhura në aktrim.

“Papritur, mënyra e vetme për të qenë më shumë në shtëpi ishte të kthehesha në aktrim,” u shpreh aktorja, duke shtuar se tani zgjedh vetëm projekte që i lejojnë fleksibilitet.

Jolie theksoi gjithashtu se periudha e divorcit pati një ndikim të madh emocional në jetën e saj, por mbështetja e fëmijëve e ka ndihmuar të rikthejë forcën dhe motivimin.

“E humba për një kohë atë forcë luftarake, por tani po rikthehet, kryesisht falë fëmijëve të mi,” tha ajo.

Aktorja shtoi se fëmijët e saj tashmë janë më të rritur dhe e inkurajojnë të udhëtojë dhe të punojë, duke e mbështetur në rikthimin e saj profesional.