Arrestohet në aeroportin e Podgoricës shtetasja koreane S.K. (52), e kërkuar nga Interpoli i Seulit për mashtrim

Një shtetase e Koresë së Jugut, S.K. (52), u arrestua në pikën kufitare të aeroportit të Podgoricës, teksa po dilte nga Mali i Zi, njoftoi Drejtoria e Policisë, siç raporton Vijesti.

Sipas njoftimit të policisë, të cituar nga Vijesti, për 52-vjeçaren ishte lëshuar një urdhër-arrest ndërkombëtar nga NCB Interpoli i Seulit. Ajo kërkohet për të siguruar praninë e saj në procedurën penale që zhvillohet në Korenë e Jugut, nën dyshimin e arsyeshëm se ka kryer veprën penale të mashtrimit, sipas Kodit Penal të atij vendi.

Arrestimin e kryen punonjësit e policisë kufitare në aeroportin e kryeqytetit malazez, pas kontrolleve të kryera në dalje nga vendi.

Siç njofton Vijesti, S.K. u dërgua brenda afatit ligjor para gjyqtarit hetues të Gjykatës së Lartë në Podgoricë, i cili i caktoi paraburgimin ekstradues.

Në vijim pritet komunikimi mes organeve gjyqësore të Malit të Zi dhe atyre të Koresë së Jugut për procedurën e ekstradimit.