Arteta nuk nxitohet: Finalja me PSG mund të presë, fokusi është ndeshja e radhës ndaj Burnley

I matur dhe i qetë, trajneri i Arsenal, Mikel Arteta nuk po tërhiqej nga ideja ‘nëse… nëse… nëse’. Sipas tij, finalja e Champions League ndaj PSG mund të presë. I vetmi fokus është ndeshja e radhës në Premier League ndaj Burnley.

Trajneri spanjoll po i merr ndeshjet një e nga një, duke ushqyer idenë se ku mund të jetë një sezon i jashtëzakonshëm dhe historik për “topçinjtë”, që mund të fitojnë dy trofe të mëdhenj.

“Këto ndeshje janë vendimtare për skuadrën, tifozët dhe klubin. Tani nuk është kohë për “nëse”, por jemi të fokusuar te ndeshja e radhës, ajo ndaj Burnley. Ajo është një ndeshje që vlen 3 pikë dhe na afron me titullin”, tha Arteta.

“Kemi dy ndeshje në Premier para se të mendojmë për PSG dhe finalen e Champions. E shihni se në Premier nuk ka asgjë të lehtë, ndaj duhet përqendrim”, deklaroi trajneri Mikel Arteta.