Barcelona arkëtoi 16.2 mln euro nga shitja e biletave të “el Clásico”-s

Drejtori i Përgjithshëm i Barcelona-s, Manel del Río, ka zbuluar impaktin e madh që kishte modernizimi i “Camp Nou”. Vetëm për ditën e djeshme në ndeshjen mes Barçës dhe Real-it ekipi vendas ka arkëtuar plot 16.2 milionë euro nga shitja e biletave.

“Të gjithë duhet të dinë se 80% e kapacitetit të stadiumit i është dhënë tifozëve të abonuar. Kërkesa ishte e madhe, por ne kemi arritur që të arkëtojmë më shumë se një vit më parë. Në këtë ndeshje kemi arkëtuar më shumë se 16 milionë euro ndërsa sezonin e kaluar kjo shifër ishte 13.9 milionë euro”, shpjegoi Río.

Kapaciteti i stadiumit ditën e djeshme ishte 62,000 vende ndërsa në të ardhmen kjo shifër mund të shkojë deri në 104,300.