Berisha akuzon mazhorancën në Kuvend: Mbyllët integrimin europian të vendit

Duke folur nga seanca plenare, kreu i Partisë Demokratike, Sali Berisha, ka akuzuar mazhorancën se është shkaktare e ngërçit në procesin e anëtarësimit të

Duke folur nga seanca plenare, kreu i Partisë Demokratike, Sali Berisha, ka akuzuar mazhorancën se është shkaktare e ngërçit në procesin e anëtarësimit të Shqipërisë në Bashkimin Europian.

“Integrimin europian ju e mbyllët, dërgoni poshtë e përpjetë të deleguara të diskredituara që jo vetëm nuk ju zgjidhin punë, por neverisin të gjithë ata që i takojnë, i bazoni në telefonatat hektike të një njeriu që uroj që të mos i marrë më në telefon, por nuk është ky procesi”, deklaroi Berisha në Kuvend.

Ai u ndal edhe te çmimet e karburantit, duke krahasuar situatën me vendet e rajonit.

“Nafta 150 lekë shitet në Maqedoni, sepse ajo mori masa të tjera pas rritjes së çmimeve. Për fermerët shitet shumë më lirë. E keni shndërruar në një ndëshkim për shqiptarët, a mundet parlamenti të kapërcejë këtë çështje. Mos harroni një gjë, qëndrimet që mbani ju bëjnë fajtorë”, shtoi ai.