BOTËRORI 2026 – Spanja fiton 2-1 ndaj Belgjikës, siguron gjysmëfinalen

Spanja shkon në gjysmëfinale të Botërorit 2026 pas fitores ndaj Belgjikës.

– Spanja siguroi një vend në gjysmëfinalet e Kupës së Botës 2026 pasi mposhti Belgjikën me rezultatin 2-1 në çerekfinale, më 10 korrik, sipas “Fox Sports”.

Spanja kaloi në avantazh në minutën e 29-të me golin e Fabián Ruiz, por Belgjika reagoi dhe barazoi në minutën e 41-të me Charles De Ketelaere, i cili shënoi gol, me goditje me kokë.

Moment vendimtar i ndeshjes erdhi në minutat e fundit.

Portieri kryesor i Belgjikës, Thibaut Courtois, u detyrua të largohej nga fusha për shkak të një dëmtimi dhe u zëvendësua nga Senne Lammens.

Portieri rezervë bëri një gabim në një aksion të rrezikshëm dhe i dha mundësinë Mikel Merinos të shënonte golin e fitores në minutën e 88-të.

Spanja pati më shumë kontroll të lojës dhe krijoi më shumë raste për të shënuar gol, gjatë takimit të zhvilluar në stadiumin e Los Anxhelesit në Inglewood, Kaliforni.

Me këtë fitore, Spanja kalon në gjysmëfinale të Botërorit 2026, ku do të përballet me Francën në Dallas. /