Brooklyn mungon në ceremoninë e tij, reagon David Beckham

David Beckham ka refuzuar të komentojë publikisht për raportet e vazhdueshme mbi konfliktin me djalin e tij të madh, Brooklyn Beckham.

Gjatë një interviste për Variety, ish-futbollisti u pyet për ndikimin që kanë pasur raportimet mediatike mbi tensionet familjare, por ai vendosi të mos japë detaje.

“Të jem i sinqertë, më vjen keq që po ju ndërpres, por kjo është një çështje private. Është e vetmja gjë për të cilën nuk dua të flas,” tha Beckham.

Deklarata erdhi në të njëjtën ditë kur 51-vjeçari u nderua me një yll në Hollywood Walk of Fame, një moment i rëndësishëm në karrierën e tij.

Në ceremoni, David u shoqërua nga bashkëshortja e tij, Victoria Beckham, dhe tre fëmijët e tyre, Romeo, Cruz dhe Harper. Megjithatë, Brooklyn Beckham mungoi në këtë ngjarje të rëndësishme familjare.

Mediat ndërkombëtare raportojnë prej muajsh për një përçarje mes Brooklyn dhe pjesës tjetër të familjes Beckham. Situata u bë edhe më e tensionuar pas deklaratave publike të Brooklyn në fillim të vitit, ku ai akuzoi prindërit e tij për ndërhyrje në jetën e tij private dhe martesën me Nicola Peltz.

Pavarësisht polemikave, David Beckham theksoi gjatë intervistës se familja mbetet prioriteti i tij kryesor.

“Familja vjen gjithmonë e para. Ky ka qenë gjithmonë prioriteti ynë dhe është arsyeja pse kemi funksionuar për kaq shumë vite,” u shpreh ai.