Bullgaria, presidentja e radhës e BE-së, kërkon shmangien e krizës me Varshavën

Kryeministri bullgar, Boiko Borissov, vendi i të cilit do të marrë presidencën e radhës së Bashkimit Evropian, kërkoi sot shmangien e një krize me Poloninë, e akuzuar për shkelje të shtetit të së drejtës dhe kërcënuar me sanksione të pazakonta nga BE.

“Duhet të bëjmë atë që është e nevojshme që marrëdhëniet të përmirësohet mes Bashkimit Evropian dhe polonisë”, theksoi Borissov, në një konferencë shtypi në Sofje, me rastin e fillimit zyrtar të presidencës bullgare.

Më 20 dhjetor, pas disa muajve paralajmërimesh, Komisioni Evropian aktivizoi kundër Polonisë një procedurë të pazakontë duke arritur deri në privimin e vendit nga të drejtat e votimit në BE nëse nuk heq dorë nga reformat gjyqësore të kundërshtuara.

Ekzekutivi evropian, që akuzon qeverinë konservatore të Varshavës për të vendosur drejtësi ose jo, ka njoftuar qëllimin për të aktivizuar nenin 7 të traktatit të BE-së, parashikuar në rast kërcënimesh ndaj shtetit të së drejtës.

“Polonia është një vend i madh. Nuk mund të them që miqtë e mi polakë nuk respektojnë shtetin e së drejtës”, theksoi Borissov.

Por, drejtuesi bullgar u ka bërë thirrje polakëve të bëjnë çfarë është e nevojshme për të na detyruar të marrim pjesë në një votim mbi sanksionet.

“Mendoj se kjo nuk do të ndodhë”, theksoi Borissov, i cili kërkon të jetë ndërmjetësues mes vendeve të Lindjes dhe pjesës tjetër të BE-së