Celine Dion rikthehet pas periudhës së vështirë, projekti i ri ngjall interes global

Këngëtarja kanadeze Celine Dion vazhdon rikthimin e saj të shumëpritur në skenën muzikore me njoftimin e një kënge të re në gjuhën frënge, e cila do të publikohet më 3 korrik.

Artistja e zbuloi projektin përmes një serie postimesh enigmatike në rrjetet sociale, ku ndau fjalët “Pardon”, “Bonjour” dhe “Merci”, duke ngjallur menjëherë interesin e fansave. Kënga është shkruar nga kompozitorët francezë Renaud Rebillaud dhe Ycare.

Publikimi vjen vetëm pak muaj pas këngës Dansons, e lançuar në prill dhe e shkruar nga bashkëpunëtori i saj, Jean-Jacques Goldman. Videoklipi i këngës, i xhiruar në rrugët e Parisit, ka grumbulluar miliona shikime dhe është pritur pozitivisht nga publiku.

Rikthimi i Dion vjen pas një periudhe të vështirë, gjatë së cilës ajo u tërhoq nga aktivitetet artistike për shkak të pandemisë së COVID-19 dhe problemeve shëndetësore me të cilat u përball në vitin 2022.

Këngëtarja bëri rikthimin e saj madhështor në ceremoninë hapëse të Lojërat Olimpike Paris 2024.

Ndërkohë, interesi i madh për koncertet e saj ka bërë që të gjitha biletat për 16 koncertet e para të shiten brenda një kohe të shkurtër, duke detyruar organizatorët të shtojnë edhe 10 data të tjera gjatë vitit 2027.

Me publikimin e këngëve të reja dhe rikthimin e suksesshëm në skenë, spekulimet për një album të ri nga Celine Dion po shtohen gjithnjë e më shumë.