CENTCOM hedh poshtë pretendimet e IRGC-së: Hormuzi nuk është i mbyllur, po kalojnë rreth 20 milionë fuçi naftë

Komanda Qendrore e SHBA-së (CENTCOM) ka hedhur poshtë deklaratat e Korpusit të Gardës Revolucionare Islamike të Iranit (IRGC) se Ngushtica e Hormuzit është e mbyllur dhe nën kontrollin e Teheranit, duke i quajtur ato “të rreme”, raporton Al Jazeera.

Në një postim në X, CENTCOM tha se trafiku i mallrave tregtare dhe furnizimeve energjetike — përfshirë rreth 20 milionë fuçi naftë bruto — po rrjedh përmes ngushticës “tamam tani”, duke shtuar: “Shtetet e Bashkuara dhe partnerët rajonalë e kontrollojnë qartë ngushticën”.

Përgjigja e ashpër vjen pas komenteve të Mohammadreza Naqdi-t, këshilltar i komandantit të IRGC-së, për agjencinë gjysmë-zyrtare iraniane të lajmeve Fars, ku ai përsëriti të mërkurën pozicionin e Teheranit dhe shtoi se rrugët e tranzitit që Irani i konsideron të paligjshme së shpejti do të mbyllen.

Deklaratat kontradiktore mbi Hormuzin kanë ndezur një luftë narrative mes dy palëve: nga njëra anë Irani këmbëngul se ngushtica strategjike nuk do të rihapet plotësisht pa plotësimin e kushteve të saj, ndërsa nga ana tjetër Uashingtoni thekson se bllokada detare amerikane dhe flota e aleatëve po e mbajnë rrugën funksionale. Ngushtica mbetet pika kyçe e furnizimit global me energji, ndërsa lufta SHBA–Iran vazhdon në muajin e tetë.