Champions League/ UEFA nis një procedim disiplinor kundër Guendouzi dhe Greenwood

UEFA ka nisur një procedim disiplinor kundër dy futbollistëve të Fenerbahçe, Matteo Guendouzi dhe Mason Greenwood. Hetimi ka të bëjë me atë që ndodhi pas ndeshjes së Champions League të javës së kaluar mes ekipit turk dhe Olympique Lione, ku francezët u eliminuan.

Lajmi është bërë i ditur nga vetë klubi turk. “UEFA ka nisur një procedim disiplinor kundër lojtarëve tanë, si dhe ndaj klubit tonë”, – shkruhet në komunikatën e Fenerbahçe. Mesfushori francez Matteo Guendouzi, autor i një gjesti të shëmtuar ndaj tifozëve të Lion, deklaroi një ditë pas asaj ndeshjeje se nuk kishte bërë asgjë të keqe.

“Kënë fyer nënën time, familjen time dhe fëmijët e mi”, – u justifikua Guendouzi, i shënjestruar nga tifozët e Lion që në nxemje. Sulmuesi anglez Mason Greenwood, edhe ai ish-lojtar i Olimpique Marseille, iu bashkua Guendouzi pas ndeshjes së fituar nga Fenerbahçe.

“Klubi ynë do të paraqesë prova përpara autoriteteve kompetente për të mbrojtur të drejtat dhe interesat e lojtarëve tanë dhe të Fenerbahçe”, – shkruhet më tej në komunikatën e klubit nga Stambolli.