Kryeministri serb Aleksandar Vuçiq më 27 maj do të shkojë për vizitë zyrtare në Shqipëri, kumtoi gazeta “Danas”.
Kjo do të jetë vizita e parë zyrtare e përfaqësuesit serb në nivel më të lartë në historinë e marrëdhënieve të të dy vendeve fqinje, nënvizoi gazeta.
Nikoqir i kryeministrit serb do të jetë homologu i tij shqiptar Edi Rama, i cili ishte në Beograd më 10 nëntor të vitit të kaluar, në vizitën e tij zyrtare të një përfaqësuesi shqiptar në nivel më të lartë në 68 vitet e fundit, përkujtoi gazeta.
Këshilltari i kryeministri shqiptar Shkëlzen Maliqi, me rastin e vizitës së paralajmëruar, deklaroi se kryeministrat Rama dhe Vuçiq “caktojnë udhëkryq të rëndësishëm në rrugën që do të jetë bosht i paqes dhe stabilitetit në rajon”.
Ai kumtoi se kryeministrat do të bisedojnë për realizimin e projekteve infrastrukturore dhe konkretisht për rrugën magjistrale Durrës-Nish.
