Dembele zgjidhet “Lojtari më i mirë”. Nuk ka vend për surpriza, ky është formacioni më i mirë i javës në Champions (foto)

UEFA ka publikuar pak më parë formacionin më të mirë të javës në Champions League, ku ashtu siç pritej dominon Bayern Munich me 3 lojtarë dhe ndjekin Atletico Maadrid dhe PSG me nga dy lojtarë.

Në portë Juan Musso, argjentinasi ishte fantastik kundër Barcelonës, duke i shpëtuar në shumë raste “Colchoneros” me pritjet e tij. Treshja e mbrojtjes: Marquinhos i PSG, Dayot Upamecano i Bayernit dhe Eduardo Quaresma i Sporting Lisbon.

Katërshja e mesfushës është vërtet fantastike me emra si Martin Zubimendi dhe Joshua Kimmich në qendër dhe në krahë, Arda Guller dhe Marcos Llorente.

Treshja e sulmit përbehet nga Ousmane Dembele, Ferran Torres dhe Michael Olise. Lojtari më i mirë i javës shkon për Ousmane Dembele, i cili shënoi dopietë në fitoren e PSG-së në transfertë 0-2 ndaj Liverpool.