Dialogu për integrimin/ Ministri Ferit Hoxha në tryezë me ambasadorët e BE-së, zbardhen pikat e diskutimit

Delegacioni i BE-së mirëpriti këtë të mërkurë (20 maj) një diskutim produktiv dhe të hapur mes Ambasadorëve të Shteteve Anëtare të BE-së dhe Ministrit për Evropën dhe Punët e Jashtme, Ferit Hoxha.

Ata diskutuan mbi ecurinë e negociatave të anëtarësimit dhe çështje të rëndësishme si lufta kundër korrupsionit dhe krimit të organizuar, mjedisi dhe zbatimi i reformave.

Ata gjithashtu theksuan rëndësinë e sigurimit të një kuptimi dhe mbështetjeje të gjerë nga publiku për procesin e zgjerimit.

Ambasadori i BE-së, Silvio Gonzato, theksoi se, “për të arritur objektivin ambicioz të mbylljes së negociatave të anëtarësimit deri në vitin 2027, Shqipëria duhet të ruajë dhe të përshpejtojë ritmin e reformave, duke garantuar njëkohësisht cilësinë e tyre gjatë gjithë procesit”.

Në takim u nënvizua se reformat e lidhura me integrimin në BE “duhet të jenë të mirëpërgatitura, të konsultuara gjerësisht me aktorët përkatës dhe të zbatohen në mënyrë efektive, në mënyrë që të sjellin përfitime të prekshme në jetën e përditshme të qytetarëve“.

Sipas njoftimit për shtyp, dialogu me Shtetet Anëtare të BE-së, nënvizohet se është gjithashtu thelbësor në kontekstin e negociatave të anëtarësimit në BE-së.