Digjet një automjet në Qendër të Shkupit

Herët në mëngjesin e sotëm, rreth orës 4 të mëngjesit, një Range Rover u dogj në Shkup.

“Më 28.06.2026 në orën 04:05, SVR Shkup ka marrë njoftim se një automjet pasagjerësh Range Rover me targa të Shkupit, në pronësi të S.B. (54) nga Shkupi, është djegur në zonën e Qendrës”, thonë nga MPB.

Ata shtojnë se zjarri është shuar nga Brigada e Zjarrfikësve të Shkupit.

“Nuk ka të lënduar. Është kryer inspektim dhe po merren masa për sqarimin e rastit”, njofton MPB.