“Dopietë” në tentativën e parë… Chivu shmangu “kurthin”, po bën edhe më mirë se Mourinho

Është e lehtë të thuash “dopietë”. Të fitosh kampionatin dhe Kupën e Italisë në të njëjtin sezon nuk është arritje për të gjithë. Cristian Chivu ia doli në vitin e parë, madje edhe José Mourinho nuk e kishte bërë këtë. Portugezi në vitin e parë fitoi “vetëm” titullin, më pas tripletën sezonale.

Para Mourinhos dhe Chivu, Interi kishte vetëm një “dopietë”, më 2005-06 me Roberto Mancini në stol. Një “dopietë” ndryshe, pasi titulli iu dha mbas skandalit të “Calciopoli”. 2010-ta mbetet krahasimi i vërtetë. Me këtë sukses, Interi rrit avantazhin ndaj Milanit: 21-19 tituj, 10-5 Kupa Italie, 3-0 “dopietat” sezonale.

Milani nuk e ka arritur kurrë “dopietën”, Juventusi 6 herë, si edhe Torino e madhe (1943), Napoli i Maradonës (1987) dhe Lazio (2000). Sezoni nisi me dyshime pas largimit të Inzaghit dhe dështimeve, madje u fol për Fabregas, por erdhi shpejt Chivu.

Interi dominoi në kampionat ndaj rivalëve, Lautaro, Dumfries, Akanji dhe Barella ishin vendimtarë. Eliminimi në Champions nga Bodo mbetet “njolla” e vetme e sezonit. Tani skuadra duhet rinovuar për shkak të moshës së madhe mesatare dhe përforcuar për t’i vazhduar fitoret.