Durrës, gjendet i varur në pemën e ullirit 35-vjeçari, shkak depresioni

Një person është gjetur i varur në një pemë ulliri në fshatin Gjurice në Komunën Ishëm të qarkut të Durrësit.

Mësohet se viktima është Hekuran Molla rreth 35 vjeç, i cili është gjetur mbrëmjen e së enjtes nga persona të rastësishëm të cilët kanë njoftuar menjëherë forcat e policisië.

Sipas burimeve nga policia viktima është gjetur i vetëvarur në pemën e ullirit si pasojë e depresionit, ndërsa viktimës i janë gjetur sendet personale dhe euro, pasi ishte kthyer sot nga Greqia.

Ekspertiza e cila ka kryer procedurat përkatëse konfirmon se 35 vjeçari është vetëvrarë.