Durrës, sulm me armë zjarri pranë stadiumit, 2 të plagosur

Një sulm me armë zjarri është verifikuar mbrëmjen e kësaj të mërkure në qytetin e Durrësit, ku si pasojë kanë mbetur të plagosur 2 persona. Nga të dhënat zyrtare rezulton se ngjarja ka ndodhur në lagjen numër 5, pranë stadiumit të qytetit bregdetar. Të plagosurit janë identifikuar si shtetasit Alfred Skonja dhe Ismail Çyrbja, 29 dhe 25 vjeç.

Për momentin nuk dihen motivet e këtij sulmi, por në vendin e ngjarjes kanë mbërritur njësitë e policisë, që po kryejnë veprimet proceduriale për të hedhur dritë mbi sa ka ndodhur. Mësohet se uniformat blu kanë bërë shoqërimin e të lënduarve në spitalin rajonal të Durrësit, ku dy të rinjtë ndodhen jashtë rrezikut për jetën.

Në skedarët e policisë Skonja rezulton person me precedentë penalë për shkak se dyshohet se në gusht të këtij viti ndoqi një biznesmen në Durrës për ta ekzekutuar.