Dyshohet për transplant organesh, Gjykata e Apelit nuk liroi 41 mijë USD-të e sekuestruar të klinikës

ABC NeWs ka mësuar se treshja gjykuese me relatoren Zeqine Sollaku, ka vendosur të lërë në fuqi vendmin e gjykatës së shkallës së parë, që sekuestroi llogarinë bankare me reth 41 mijë dollarë amerikane.

SIpas gjykatës, nuk ka asnjë rrethana lehtësuese apo fakt që provon se këto para kanë një burim të ligjshëm, edhe pse parat janë dërguar nga një bankë në Izrael. Shuma prej rreth 41 mijë dollarëve amerikanë, është dërguar në një bankë të nivelit të dytë në vend në dhjetor të 2014 në llogarin e kompanisë “A new Live 4U” e hapur në Shqipëri vetëm një muaj para këtij transaksioni. Kjo shumë parash, është justifikuar si “shlyerje fature e vitit 2001” dhe e dërguar nga një nga kompanit që administronte i akuzuari për trafik organesh në Kosovë dhe vende të tjera, Boris Volfman. Ky sekuestrim, thuhet në vendimin e gjykatë është bërë në kuadër të hetimit të nisur nga prokuroria e Tiranës për akuzën e “pastrimit të parave” për pronarin e kompanisë “A new Live 4U” shtetasin Robert Shpolinske dhe bashkëpunëtorin e tij Boris Volfman. Ky i fundit, mësohet se ka hapur në Shqipëri edhe tre kompani të tjera me objetk turizëm mjekësore dhe transplant organesh.

Nga ana tjetër, për këtë procedim prokuroria po verifikon edhe pasurinë e shtetasit shqiptar Renato Mezini, i cili rezulton se në janar të 2010 është ndaluar nga autoritetet italiane në Pescara si pjesë e një bandë që trafikonin lëndë narkotike.

Sipas kësaj dosje, hetimore shtatasi ruso-izraelit Boris Volfman është proceduar dhe shpall në kërkim edhe nga autoritet kosovare për rastin e transplantit të organeve në klinikën Medicus në Prishtinë, ku janë arrestuar disa persona mes tyre edhe një mjek turk.

Ky vendim i gjykatës së Apelit vjen vetëm pak ditë pasi mediat italiane kanë publikuar faktin se shtetasi ruso-izraelit Boris Volfman është arrestuar në Turqi.