Edi Rama: ‘Albanian Files’ së shpejti në libraritë e Tiranës

Kryeministri Edi Rama ka njoftuar daljen së shpejti në libraritë e kryeqytetit të librit shumë të debatuar së fundmi “Albanian Files”.

Përmes një postimi në rrjetet sociale, kryeministri Rama shkruan se “Albanian Files” të cilin e ka cilësuar si “libri i mallkuar” për shkak të debatit që ka shkaktuar, do të dalë së shpejti në libraritë e Tiranës.

“Libri i Mallkuar së shpejti në “Adrion”, pasi sapo hyri sot në histori si i pari libër, që trajtohet si provë krimi 80 vjet pas rënies së nazizmit dhe 35 vjet pas rënies së komunizmit”, shkruan Edi Rama.