EGJIPT – 18 të vdekur pas sulmit në një restorant

Të paktën 18 persona u vranë gjatë një sulmi kundër një restoranti pranë Kajros, njoftoi sot gazeta shtetërore egjiptiane ”al-Ahram”, në faqen e saj online.

”Persona të armatosur dhe të maskuar hodhën bomba molotov në restorant në lagjen ‘Agouza”, duke provokuar një zjarr gjigant”, shtoi gazeta.

Një numër i papërcaktuar personash kanë mbetur të plagosur në sulmin, motivet e të cilit nuk dihen ende.

Nuk ka ende një koment zyrtar për ngjarjen.

Egjipti është përfshirë në sulme militante, sidomos kundër forcave të sigurisë, që kur ushtria rrëzoi nga pushteti presidentin islamik, Mohamed Morsi, në vitin 2013.