Egnatia ul çmimin e biletave për Lincoln Red Imps në 200 lekë

Egnatia nxori dje në shitje biletat për sfidën me Linkoln Red Imps në “Air Albania”, raporton Panorama Sport. Më pas njoftoi papritur se çmimet e biletave do të ulen, nga 500 lekë që ishte çmimi fillestar në 200 lekë të reja.

Kjo ofertë do të zgjasë deri më 20 nëntor dhe shitja e biletave vazhdon “online”. Biletat mund të sigurohen edhe fizikisht në “Air Albania”, pikërisht më 14 dhe 15 nëntor.

Kampionët nuk kanë menduar për të arkëtuar të ardhura nga ky takim, por duan të kenë sa më shumë tifozë. Kështu vendosën që të mbyllin sektorët prapa porte dhe çmimi simbolik të jetë për sektorët E.

Sfida me ekipin e Gjibraltarit është rezervuar më 26 nëntor. Egnatias i bën punë vetëm fitorja në raundin e katërt të Ligës së Konferencës.