Ekskluzive/ “Nuk jam i kënaqur as nga Rama, as nga Meta”! Eurodeputeti: Duam garanci që shqiptarëve nuk do t’u bllokohen llogaritë!

Pas përplasjeve në rrjetin social X me Edi Ramën, eurodeputeti Sandro Gozi foli në emisionin “Review”, me gazetaren Greta Topjana. Gozi foli ekskluzivisht në lidhje me kërkesën për transparencë mbi arsyet e bllokimit të llogarive në Instagram të 200 protestuesve në Shqipëri.

I pyetur nëse ishte i kënaqur me përgjigjen e dhënë nga META sa i përket bllokimit të këtyre llogarive, Gozi u shpreh se nuk është i qartë dhe kërkon siguri që një situatë e tillë të mos përsëritet më:

“Nuk jam i kënaqur as nga përgjigjja e Ramës, as nga ajo e kompanisë META, sepse nuk ka dhënë një përgjigje të qartë dhe duhet insistuar që ta dëgjojmë të vërtetën. Na duhet garancia që ajo që ndodhi të mos përsëritet, sepse kjo është çështje garancie. Mbyllja e këtyre llogarive ishte një goditje për shoqërinë civile. Shumë shqiptarë më kanë falënderuar dhe kanë kërkuar ndërhyrjen e Komisionit Evropian për të gjetur një zgjidhje nga kompania META.”