Ekspozitë në Shkodër që lidh historinë dhe trashëgiminë shpirtërore

Në Bazilikën e Zojës së Këshillit të Mirë në Shkodër u hap një ekspozitë me karakter historik dhe kulturor, ku u ekspozuan një varg objektesh me rëndësi kulturore dhe historike. Këto objekte janë ruajtur nga familje shkodrane dhe mbaheshin të fshehura gjatë periudhës së diktaturës, kur besimi fetar ishte i ndaluar.

Qëllimi i ekspozitës është rikthimi i memories kolektive dhe forcimi i identitetit kulturor dhe fetar, theksojnë organizatorët. Në aktivitet mori pjesë edhe kardinali i Bazilikës Papnore të Santa Maria Maggiore.

Në ekspozitë prezantohen gjithashtu veshje tradicionale që përdorte Nënë Tereza, e cila ekspozohet për herë të parë publikisht.

Ekspozita u organizua në kuadër të 130-vjetorit të shpalljes së Zojës së Këshillit të Mirë si Pajtore e Shqipërisë.