Emërimi i Ulsi Manjës, Ministër Drejtësie/ Alibeaj: Provokim ndaj shoqërisë shqiptare
Ditën e djeshme kryeministri Edi Rama shpalli qeverinë e re, me të cilën do qeverisë në këtë mandat të tretë. Mes emrave të ministrave ishte edhe Ulsi Manja, i cili u emërua Ministër i Drejtësisë.
Kjo ka sjellë reagimin e parë nga Partia Demokratike. Deputeti i opozitës, që pritet të hyjë në Kuvend, Enkelejd Alibeaj përmes një shënimi në facebook, thotë se emërimi i tij si ministër i Drejtësisë është një provokim ndaj shoqërisë shqiptare.
“Caktimi në krye të Drejtësisë të një prej simboleve të pandëshkueshmërisë së krimeve elektorale të Dosjes 184, është një shembull negativ që cënon edhe më shumë besimin tek institucionet kur ato dorëzohen tek individë që duhet të ishin përpara drejtësisë e jo në krye të saj”, shkruan ndër të tjera Alibeaj.
Emërimi i Ulsi Manjës si Ministër Drejtësie, është një provokim ndaj shoqërisë shqiptare. Qytetarët tanë dhe bota mbarë ia njeh krimet që ka kryer në bashkëpunim me Edi Ramën. Caktimi në krye të Drejtësisë të një prej simboleve të pandëshkueshmërisë së krimeve elektorale të Dosjes 184, është një shembull negativ që cënon edhe më shumë besimin tek institucionet kur ato dorëzohen tek individë që duhet të ishin përpara drejtësisë e jo në krye të saj. Ky është një tjetër ilustrim kuptimplotë se si masakra zgjedhore nuk zgjidhi asgjë për qytetarët. Përkundrazi, vota e vjedhur përdoret si imunitet për krimet e shkuara dhe ato të reja në dëm të Shqipërisë dhe shqiptarëve.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.