Erdogan kërkon që vrasësit e gazetarit të gjykohën në Turqi

Erdogan ka mbajtur fjalimin e tij në mbledhje e Grupit Parlamentar të partisë së tij. Aty ai ka renditur detaje që nga arritja e Khashoggit në Stamboll e deri te vrasja e tij dhe zhdukja e gjurmëve nga personat brenda konsullatës.

Khashoggi fillimisht erdhi në Stamboll me datë 28 shtator, që të marrë dokumentet e martesës së tij. Rruga drejt vrasjes të tij filloi me këtë vizitë”, ka filluar Erdogan fjalimin e tij, transmeton Gazeta Express.

Tutje ai ka treguar se si një grup prej 15 sauditëve kanë arritur në Stamboll dhe të cilët kanë hyrë në konsullatën e Arabisë Saudite mëngjesin e 2 tetorit, ditës kur aty hyri Khashoggi dhe nuk doli më.

“Zyra e Kryeprokurorit të Stambollit nisi hetimet bashkë me Inteligjencën turke e me forenziken, dhe arriti në përfundim se 15 sauditët erdhën në Turqi pas arritjes së Khashoggit”, ka thënë Erdogan.

Erdogan thotë se me 4 tetor Arabia Saudite tentoj të mbrohej nga ky rast dhe ftoi mediat në konsullate për t’u deklaruar. Por, Presidenti turk thotë se shteti i tij nuk do të hesht.

Tutje, Erdogan tha se ka zhvilluar një bisedë me mbretin Salman për t’i treguar se ekipi hetues turk do të hyjnë në konsullatën saudite dhe në rezidencën e konsullit.

Presidenti turk thotë se pas 18 ditëve, më 20 tetor, kur Arabia Saudite pranoi se gazetari u vra brenda konsullatës, ai ka telefonuar serish në Riad.

Sic pohon Erdogan, sauditët i kanë thënë atij se 18 persona të involvuar, të cilët kanë qenë në konsulllatë janë arrestuar.

Ai thotë se e di se kush ka provuar që përgjatë këtyre ditëve ta denigrojë imazhin e Turqisë, transmeton Express.

Erdogan i kujton sauditëve se konsullata e tyre ka imunitet, por përderisa gjendet brenda kufijve të Turqisë, ai thotë se do ta hetojnë dhe do të bëjnë cfarëdo që është e nevojshme për ta zbardhur vrasjen e gazetarit.

Presidenti turk thotë se Khashoggi u vra brutalisht dhe Arabia Saudite bëri një hap, duke e pranuar vrasjen. Tash, ai kërkon që të dënohen të gjithë të involvuarit.

Erdogan shprehet i sigurt se vrasja ka qenë e qëllimshme dhe jo aksidenale.

Ky fjalim i presidentin turk erdhi pasi presidenti amerikan, Donald Trump, ka thënë  se nuk është i kënaqëur mee shpjegimin që ka dhënë Arabia Saudite mbi vdekjen e gazetarit të Ëashington Post.

Në Turqi sot ka arrituar edhe shefja e VIA’s, Gina Haspel, derisa hetimet për zhdukjen e gazetarit po thellohen dhe deri më tani mediat kanë publikuar pamje të ndryshme që cojnë në përfundimin se Khashoggi u vra brenda konsullatës arabe në Stamboll.