ESPN e “shuan” Denverin e Jokiqit: Nagetsat vetëm në vendin e 18-të në renditjen e fuqisë së ardhshme të NBA-së

ESPN ka publikuar këtë javë “rang-listën e fuqisë së ardhshme” të NBA-së, një vlerësim të shanseve për titull të çdo skuadre për tre sezonet e ardhshme — 2026/27, 2027/28 dhe 2028/29. Sipas saj, Denver Nuggets — skuadra e Nikola Jokiqit — renditet vetëm në vendin e 18-të, një “shuarje” e qartë për skuadrën kampione të vitit 2023.

Rang-lista ndërtohet mbi pesë faktorë: lojtarët aktualë, që përbëjnë 60% të peshës, si dhe financat, menaxhmenti, tregu dhe pikët e draftit, secili me rreth 11.7% (tregu 5%). Denveri merr vlerësim të mirë vetëm për lojtarët — vendi i 7-të — falë Jokiqit. Në kategoritë e tjera renditet dobët: tregu i 18-ti, menaxhmenti dhe drafti i 24-ti, ndërsa financat renditen në fund të ligës, në vendin e 30-të.

Arsyeja kryesore është lista e pagave më të shtrenjtë në NBA: Denveri është mbi “pragun e dytë” (second apron) të taksës së luksit dhe, nëse nuk del nga ai prag deri në afatin e trejd-eve në shkurt, pika e tij e raundit të parë për vitin 2034 do të ngrihet. Kështu, skuadra ka pak hapësirë për të forcuar formacionin rreth Jokiqit.

Gjithsesi, Denver Post vëren se Jokiqi është i vetmi lojtar në këtë shekull që ka përfunduar 6 herë radhazi në dy vendet e para në votimin për MVP-në, dhe se sa kohë ai planifikon të qëndrojë në Denver, dyshemeja e skuadrës është më e lartë se vendi 18.

Në krye të listës renditet Oklahoma City Thunder, ndërsa para Denverit janë skuadara si Spurs, Celtics, Rockets, Pistons, Hornets, 76ers, Hawks, Cavaliers, Raptors, Pacers, Lakers, Heat, Jazz dhe Mavericks.

Burimi: Sportal.rs