EURO U-17/ FSHF organizon mini-turneun e Grupit 4, kuqezinjtë përballë Suedisë, Skocisë e Finlandës

Kombëtarja shqiptare U-17 do të zhvillojë në muajin nëntor ndeshjet e raundit të parë të kualifikueseve të Kampionatit Europian U-17, UEFA EURO 2027. Mini-turneu i Grupit 4 do të organizohet në Shqipëri nga Federata e Futbollit, me ndeshjet që do të zhvillohen në stadiumin “Elbasan Arena” dhe në “Shtëpinë e Futbollit”.

Në këtë grup, Shqipëria do të përballet me Suedinë, Skocinë dhe Finlandën, në një fazë të rëndësishme për ecurinë e kuqezinjve në këtë kompeticion europian.

Skuadra kuqezi do ta nisë këtë aventurë më 11 nëntor, ndaj Suedisë, në orën 14:00, në stadiumin “Elbasan Arena”. Ndeshja e dytë do të luhet më 14 nëntor, kundër Skocisë, në të njëjtin stadium dhe në të njëjtën orë. Ndërsa sfida e fundit e Shqipërisë në këtë mini-turne do të jetë ajo ndaj Finlandës, më 17 nëntor, në orën 14:00, sërish në “Elbasan Arena”.

Organizimi i këtij mini-turneu në Shqipëri i jep Kombëtares U-17 mundësinë të luajë përpara publikut vendas, në tri përballje të rëndësishme në rrugëtimin drejt Kampionatit Europian U-17 të vitit 2027.

Kalendari i Grupit 4

Suedi U17–Shqipëri U17, 11.11.2026, 14:00, “Elbasan Arena”

Finlandë U17–Skoci U17, 11.11.2026, 15:00, “Shtëpia e Futbollit”

Skoci U17–Shqipëri U17, 14.11.2026, 14:00, “Elbasan Arena”

Suedi U17–Finlandë, 14.11.2026, 15:00, “Shtëpia e Futbollit”

Shqipëri U17–Finlandë U17, 17.11.2026, 14:00, “Elbasan Arena”

Skoci U17–Suedi U17, 17.11.2026, 14:00, “Shtëpia e Futbollit”

Ende nuk ka komente. Bëhuni i pari që komenton.