Kosova
Fajon: Qytetarët e Kosovës po i afrohen liberalizimit të vizave
Raportuesja e Bashkimit Evropian për Kosovën në Parlamentin Evropian, Tanja Fajon, pas përfundimit të votimit të PE-së me votë pro për liberalizimin e vizave për Kosovën, ka thënë se qytetarët e vendit janë duke iu afruar udhëtimit pa viza për në Evropë.
“Qytetarët e Kosovës një hap më afër udhëtimit pa viza në Evropë. Të gëzuar jemi me marrjen e dritës së gjelbër nga Parlamenti Evropian me një shumicë të madhe. Lufta vazhdon dhe nuk do të ndalem derisa të realizohet qëllimi për liberalizim për kosovarët”, ka thënë Fajon.
