Ferit Hoxha vizitë zyrtare në Kosovë, takohet me Albulena Haxhiun dhe Albin Kurtin

Ministri për Evropën dhe Punët e Jashtme, Ferit Hoxha ka mbërritur në Prishtinë mëngjesin e kësaj të diele, ku është takuar me krerët më të lartë të shtetit.

Në orën 10.00, ai u prit në një takim nga Albulena Haxhiu, ushtruese e Detyrës së Presidentes së republikës së Kosovës.

“Ju keni qenë zëri i Kosovës kur Kosova nuk kishte zë”, i ka thënë Haxhiu ministrit Hoxha, të cilin e uroi për detyrën e tij si dhe vlerësoi përvojën e tij të gjatë diplomatike në përfaqësimin e Shqipërisë në organizata dhe forume ndërkombëtare.

Sipas presidencës së Kosovës, “në takim u bisedua për marrëdhëniet ndërmjet Kosovës dhe Shqipërisë, për koordinimin në politikën e jashtme, si dhe për zbatimin e marrëveshjeve të nënshkruara ndërmjet dy vendeve”.

Një pjesë e takimit iu kushtua rrugës evropiane dhe euroatlantike të Kosovës. Presidentja Haxhiu kërkoi vazhdimin e mbështetjes së Shqipërisë për procesin e anëtarësimit të Kosovës në Këshillin e Evropës, për marrjen e pyetësorit të Bashkimit Evropian, si dhe për afrimin e mëtejshëm të Kosovës me NATO-n dhe Partneritetin për Paqe.

Më pas zhvilloi edhe një takim me presidentin e Kosovës Albin Kurtin.

Më tej, gjatë qëndrimit të tij në Prishtinë, Hoxha pritet të zhvillojë të tjera takime më rëndësi. Mes të cilëve përmendim Glauk Konjufcën, zëvendëskryeministër i Parë dhe ministër i Punëve të Jashtme dhe Diasporës i Republikës së Kosovës.

Në mesditë të dy ministrat do të dalin në një konferencë të përbashkët për shtyp.

Ministri i Jashtëm do të takohet gjithashtu me drejtues dhe përfaqësues të partive politike në Kosovë, ndërsa do të zhvillojë edhe një vizitë në Bazën e KFOR-it.