Firmoset marrëveshja mes Shqipërisë, Maqedonisë së Veriut dhe Serbisë! Nga 1 marsi, punëtorët do të lëvizin lirisht
Punëtorët e Shqipërisë, Serbisë dhe Maqedonisë së Veriut mund të lëvizin lirshëm drejt këtyre vendeve, duke nisur nga muaji mars.
Tri drejtuesit e shteteve, Edi Rama, Aleksandër Vuçiç dhe Dimitar Kovaçesvski kanë firmosur në Shkup protokollin që lejon hapjen e tregut të përbashkët.
Nisma që do të bëhet aktive nga data 1 mars, përfaqëson një treg krejtësisht i lirë i punës në vendet e Ballkanit të Hapur, si një mundësi për krijimin e një mjedisi më të mirë biznesi për kompanitë vendase dhe të huaja.
Ballkani i Hapur ka sjellë ndasi opinionesh në qarqet politike dhe ato ekonomike, megjithatë ky protokoll shihet edhe si një alternativë për të kapërcyer problemin e mungesës së fuqisë punëtore dhe për krijimin e një tregu pune me 11 milionë banorë.
Vendet e rajonit kanë firmosur edhe marrëveshje në fushën e arsimit, bujqësisë, shëndetësisë dhe energjisë, në kuadrin e Ballkanit të Hapur, nismë të cilës, Kosova ka refuzuar t’i bashkohet.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.