Flick jep përgjigjen e mrekullueshme kur pyetet për sherrin Tchouameni-Valverde

Në prag të “El Clasico”-s së fundit për këtë sezon, ku Barcelona mund të sigurojë zyrtarisht titullin kampion, Hansi Flick nuk i shpëtoi dot pyetjes për rrëmujën e krijaur së fundmi te Real Madrid, për shkak të sherrit Tchouameni-Valverde.

Ashtu si dhe herë të tjera, trajneri gjerman reagoi në mënyrë shumë korrekte duke u përqëndruar vetëm te ato që ndodhin tek ekipi i tij.

“Këto gjëra ndodhin kudo, jo vetëm te Real Madrid. Por unë nuk dua të flas për këtë. Nuk është ekipi im, nuk është klubi im. Për mua, ne duhet të përqendrohemi në fushë dhe të bëjmë nesër një ndeshje të shkëlqyer.

Ne duam ta luajmë këtë ndeshje dhe ta fitojmë atë, kjo është ajo që duhet të tregojmë dhe të mos mendojmë ëpr ato që po ndodhin te kundërshtari ynë”, tha Flick.