FOKUS – Çmimet e naftës rriten pas deklaratave të ashpra të Trump për Ngushticën e Hormuzit

PARIS, 13 korrik /ATSH-AFP/ – Çmimet e naftës shënuan rritje të ndjeshme në tregjet ndërkombëtare pas deklaratave të presidentit amerikan Donald Trump lidhur me situatën në Ngushticën e Hormuzit, një nga rrugët më të rëndësishme të transportit të naftës në bot.

Investitorët reaguan me shqetësim ndaj retorikës së ashpër, duke shtuar frikën për ndërprerje të furnizimeve globale me energji.

Sipas analistëve, tensionet në Gji kanë rritur pasigurinë në tregjet e energjisë, pasi një pjesë e konsiderueshme e eksporteve botërore të naftës kalon përmes Ngushticës së Hormuzit.

Çdo kërcënim ndaj lirisë së lundrimit në këtë zonë mund të ndikojë menjëherë në çmimet e naftës.

Deklaratat e Trump u interpretuan nga tregjet si sinjal i një qëndrimi më të ashpër ndaj zhvillimeve në rajon, duke nxitur blerje të kontratave të naftës dhe rritje të çmimit të fuçisë në bursat ndërkombëtare.

Ekspertët paralajmërojnë se nëse tensionet gjeopolitike vazhdojnë të përshkallëzohen, luhatjet në tregun e energjisë mund të intensifikohen edhe më tej, me pasoja për ekonominë globale, inflacionin dhe kostot e transportit./  /Ad.Ab./  a.jor.