FOKUS – Merz: Gjermania nuk ka pse të justifikohet për rritjen e shpenzimeve ushtarake

– Kancelari gjerman, Friedrich Merz, deklaroi sot se vendi i tij nuk ka pse të tregohet i rezervuar kur flet për rritjen e shpenzimeve për mbrojtjen, duke iu përgjigjur kritikave të presidentit amerikan Donald Trump, i cili i cilësoi përpjekjet e mëparshme të Gjermanisë si “qesharake”.

Komentet e kancelarit Merz vijnë në prag të samitit të NATO-s, që do të zhvillohet javën e ardhshme në Ankara, ku aleatët evropianë synojnë të lënë mënjanë mosmarrëveshjet me presidentin Trump për çështje si Irani dhe Groenlanda, duke theksuar se janë të gatshëm të marrin një rol më të madh në mbrojtjen e kontinentit.

Merz tha se Gjermania mund ta mbrojë me fakte politikën e saj të rritjes së investimeve në mbrojtje dhe se kontributi i vendit në sigurinë evropiane është në rritje.

Debati për shpenzimet ushtarake pritet të jetë një nga temat kryesore të samitit të NATO-s, ku aleatët do të diskutojnë forcimin e kapaciteteve mbrojtëse dhe ndarjen e barrës së sigurisë mes vendeve anëtare./  /Ad.Ab./ a.jor.