30 projekte që nxisin forcimin e bashkëpunimit rajonal në Ballkanin Perëndimor u shpërblyen me grante nga Fondi i Ballkanit Perëndimor.
Përfaqësuesve të organizatave fituese iu dorëzua çmimi dhe çeku me vlerë deri në 15 mjë euro, në një ceremoni në të cilën morën pjesë Ambasadori në detyrë i Bashkimit Europian në Tiranë, Alexis Hupin, Ministrja e Shtetit për Rininë dhe Fëmijët, Bora Muzhaqi, zv/Ministrja e Punëve të Jashtme, Megi Fino dhe përfaqësues nga Ministritë e Punëve të Jashtme të të gjithë rajonit.
Që nga themelimi në vitin 2017, Fondi ka dorëzuar 99 grante, me një vlerë që tejkalon 1 milionë euro, si dhe ka ndihmuar në krijimin e mbi 4 mijë partneriteteve në rajon. Projektet e mbështetura kanë në total 15 mijë përfitues të drejtpërdrejtë.
Fondi, një organizatë ndërkombëtare e themeluar nga Ministritë e Punëve të Jashtme, bashkëfinancohet nga Bashkimi Europian, përmes Fondeve IPA.
Thirrja e ardhshme e Fondit do të hapet në muajt e ardhshëm dhe do të jetë më e madhja deri më tani, në vlerë financiare dhe numër të përfituesve.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.