Futbollisti kosovar Enis Maqedonci vdes tragjikisht në Gjermani në moshën 24-vjeçare
Futbollisti kosovar Enis Maqedonci ka ndërruar jetë në moshën vetëm 24-vjeçare, si pasojë e një aksidenti trafiku në Gjermani. Federata e Futbollit e Kosovës ka shprehur ngushëllimet më të sinqerta për familjen e tij.
Futbolli kosovar është tronditur nga një lajm i rëndë: Enis Maqedonci, futbollist 24-vjeçar, ka humbur jetën në një aksident trafiku në Gjermani, raporton Telegrafi.
Njoftimi për ndarjen e tij nga jeta u bë publik nga Federata e Futbollit e Kosovës, e cila i shprehu ngushëllimet më të sinqerta familjes Maqedonci, miqve dhe të gjithë atyre që e njihnin futbollistin e ri.
Maqedonci luante për klubin gjerman TuS Hügelsheim, ku ishte pjesë e futbollit lokal në Gjermani.
“Pusho në paqe, Enis!”, shkruhet në mesazhin ngushëllues të FFK-së.
Humbja e tij e parakohshme, në një moshë kaq të re, lë pas dhimbje të madhe për familjen dhe të afërmit e tij.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.