Giorgia Meloni flet për marrëveshjen me Shqipërinë: Mund të jetë shembull për vendet e tjera

Marrëveshja e arritur këtë muaj nga Italia me Shqipërinë për ndërtimin e qendrave për emigrantët që vijnë në breg nga deti mund të shërbejë si një plan për vendet e tjera të BE-së, tha të premten kryeministrja italiane Giorgia Meloni.

Në fillim të këtij muaji, Meloni dhe kryeministri shqiptar Edi Rama njoftuan një skemë të re që Italia të përpiqet të ulë numrin e emigrantëve duke ndërtuar dy qendra që fillimisht do të strehojnë rreth 3000 njerëz kur ato do të hapen në pranverën e 2024.

Plani u kritikua menjëherë nga ekspertë dhe aktivistë të të drejtave të njeriut si ligjërisht i ndërlikuar dhe që kërkon procedura të gjata që mund të vendosin barrë të pajustifikuar për emigrantët.

Të mërkurën, komisionerja e BE-së për migracionin, Ylva Johanssontop, tha se marrëveshja italo-shqiptare për kampet e pritjes nuk shkelte ligjin e BE-së, i cili nuk ishte i zbatueshëm.

“Sa i përket marrëveshjes tonë me Shqipërinë, mendoj se është një marrëveshje shumë inovative dhe shumë e zgjuar, e pritur me shumë interes nga partnerët e tjerë europianë”, u tha Meloni gazetarëve gjatë vizitës së saj në kryeqytetin kroat Zagreb