Gjermania mirëpret armëpushimin SHBA–Iran, bën thirrje për negociata

Gjermania përshëndeti vendimin e presidentit të Amerikës, Donald Trump, për të zgjatur armëpushimin me Iran, duke i bërë thirrje Teheranit të shfrytëzojë

Gjermania përshëndeti vendimin e presidentit të Amerikës, Donald Trump, për të zgjatur armëpushimin me Iran, duke i bërë thirrje Teheranit të shfrytëzojë këtë mundësi për t’u rikthyer në tryezën e negociatave.

Në një deklaratë zyrtare, qeveria gjermane theksoi se zgjatja e armëpushimit përbën një shans të rëndësishëm për arritjen e një zgjidhjeje diplomatike të konfliktit. Berlini kërkoi nga autoritetet iraniane të dërgojnë një delegacion në bisedimet e planifikuara në Islamabad, me synimin për t’i dhënë fund programit bërthamor dhe për të ulur tensionet me Israel dhe vendet fqinje.

Duke komentuar kërkesën e Iranit për heqjen e sanksioneve perëndimore, Gjermania theksoi se çdo lehtësim do të varet nga hapat konkretë që Teherani do të ndërmarrë drejt një marrëveshjeje të negociuar.

“Nëse arrihet një marrëveshje gjithëpërfshirëse, qeveria gjermane është e gatshme të punojë, në koordinim të ngushtë me partnerët, për një lehtësim gradual të masave kufizuese ekzistuese”, thuhet në deklaratë.