Gjirokastra, dy net muzike dhe mijëra momente për t’u kujtuar

“Dy net. Një qytet. Mijëra momente që kthehen në kujtime.”

Me këtë ftesë, ministri i Turizmit, Kulturës dhe Sportit, Blendi Gonxhja bëri të ditur zhvillimin e një eventi të veçantë në Gjirokastër më 4 dhe 5 shtator.

Gjatë kësaj fundjave të parë të shtatorit, qyteti i gurtë do të kthehet në një pikëtakim të muzikës, njerëzve dhe atmosferës festive, duke ftuar vizitorët të shijojnë një eksperiencë që synon të mbetet gjatë në kujtesë.

Në skenën e këtij eventi muzikor pritet të ngjiten artistë dhe këngëtarë të njohur, ndërsa nuk do të mungojnë rryma të ndryshme të muzikës moderne dhe bashkëkohore.

Aktiviteti synon të pasurojë ofertën turistike të qytetit dhe të shtoj atmosferën e sezonit veror, duke u ofruar vizitorëve një eksperiencë të ndërthurur mes turizmit, kulturës dhe muzikës.

Më 4 dhe 5 shtator, Gjirokastra pritet të kthehet në një qendër të argëtimit dhe muzikës, duke i dhënë një tjetër dimension fundjavës turistike në jug të vendit.