GJKKO zhvillon seancën ndaj kryebashkiakut të Tiranës Erion Veliaj, rrëzohet kërkesa për mbajtjen live të gjyqit

Këtë të mërkurë po zhvillohet në Gjykatën e Posaçme kundër Korrupsionit dhe Krimit të Organizuar ,GJKKO, seanca gjyqësore ndaj kryebashkiakut të Tiranës, Erion Veliaj.

Në seancë është paraqitur avokati i tij, Plarent Ndreca, ndërsa Veliaj ka firmosur një deklaratë ku shpreh dëshirën që të përfaqësohet nga mbrojtësi i tij ligjor.

Nga ana e akuzës është i pranishëm prokurori Ols Dado, ndërsa mungon prokurori Altin Dumani.

Sipas informacioneve nga salla e gjyqit, fillimisht u bë e ditur se për disa minuta do të lejohej prania e kamerave, përpara se të fillonte seanca. Megjithatë, gjykata vendosi të rrëzojë kërkesat për transmetim live të vijimit të procesit.

Seanca pritet të vijojë me shqyrtimin e mëtejshëm të çështjes.