Gjuajtën me armë zjarri nga motoçikleta, kallëzim penal ndaj dy personave për vrasjen në Shkup

Pas masave dhe veprimeve të ndërmarra, Njësiti kundër Krimit të Dhunshëm – Departamenti për Delikte të Gjakut dhe Seksuale pranë SPB Shkupit, drejtuar Prokurorisë Themelore Publike Shkup ka ngritur kallëzim penal kundër R.K. dhe I.S., për shkak të dyshimit të bazuar se kanë kryer veprën penale „vrasje“.”Kallëzimi penal ka të bëjë me ngjarjen e datës 06.09.2026, rreth orës 23:30, në afërsi të kryqëzimit ndërmjet rr. „Prohor Pçinski“ dhe rr. „Vojdan Çernodrinski“ në Shkup, kur nga një motoçikletë me dy persona është shtënë me armë zjarri drejt një grupi personash”.”Gjatë të shtënave, A.M. (26) nga Shkupi është goditur me projektil, pas çka është transportuar me automjetin e Ndihmës së Shpejtë në Kompleksin e Klinikave „Nënë Tereza“, ku ka ndërruar jetë”, thonë nga MPB.