Gjykata caktoi paraburgim për Aleksandar Mijajloviqin: dyshohet për krijimin e organizatës kriminale dhe kontrabandë kokaine

Gjykata e Lartë në Podgoricë caktoi paraburgim për Aleksandar Mijajloviqin për shkak të dyshimit të bazuar se ka kryer veprën penale të krijimit të organizatës kriminale dhe dy vepra penale të prodhimit, mbajtjes dhe shitjes së paautorizuar të lëndëve narkotike.

Mijajloviq dje në seancën për kontrollin e aktakuzës mohoi që, siç thuhet në aktakuzën e Prokurorisë Speciale Shtetërore (SDT), të ketë marrë pjesë në kontrabandën e kokainës. Kundër këtij vendimi lejohet ankesë brenda 24 orësh nga marrja e vendimit.

Përveç Mijajloviqit, në aktakuzën e SDT-së akuzohen edhe Vuk dhe Vlado Baniçeviq, Vladimir Bajçeta, Milan Popoviq, Vukashin Vojinoviq, Radoje Zviçer, Filip Zindoviq-Kljajeviq, Nebojsha Bugarin dhe Bozhidar Jabuçanin.

SDT-ja i akuzon për kontrabandën e gjithsej 4.139,605 kilogramëve kokainë nga Amerika e Jugut drejt Evropës, në periudhën gusht 2020 – mars 2021.

Burimi: Vijesti