Guardiola këshillon trajnerin e ri të City: Nuk duhet të më kopjojë mua por të jetë vetvetja

Pep Guardiola i kërkoi pasardhësit të tij te Manchester City të “jetë vetvetja” ndërsa u largua nga klubi anglez pas 10 vitesh të lavdishme në krye të tij. Trajneri spanjoll nuk pranoi të thotë emra se kush mund ta pasojë, por dha disa këshilla.

Ish-trajneri do t’i lërë një trashëgimi të rëndësishme kujtdo që merr përsipër, ndërsa në javët e fundit, potenciali i Enzo Maresca si trajneri i ardhshëm i klubit është bërë gjithnjë e më popullor.

“Trajneri i ardhshëm duhet të jetë vetvetja, unik dhe klubi do të jetë aty për ta mbështetur pa kushte, ashtu siç bënë me mua“, këshilloi Guardiola.

“Kopjimi im dhe bërja e të njëjtave gjëra (copy-paste) nuk funksionon në këtë lloj pune. Të jetë natyral, të jetë vetvetja. Secili është bërë në mënyrën e vet, dhe kështu duhet të jetë”, tha Guardiola.

Në fund, spanjolli tha: “Kjo është arsyeja pse gjithçka do të shkojë mirë. Jam pothuajse i sigurt se me këta lojtarë, trajnerin e ri, stafin dhe të gjithë ata që janë atje, do të bëhet puna e nevojshme për të qëndruar në krye.”