Hasani: Që nga 2023-ta, Kosova ka shënuar rritje të madhe të turizmit
Udhërrëfyesi Muamer Hasani, i ftuar në emisionin Weekendi, ka deklaruar se Kosova ka shënuar rritje të madhe të turizmit që nga viti 2023, duke e përshkruar vendin si të lirë, të sigurt dhe me shumë për të ofruar.
Turizmi ka qenë një nga temat e diskutuara në emisionin Weekendi, ku i ftuar ishte udhërrëfyesi Muamer Hasani, siç njofton Klan Kosova.
Sipas raportimit të Klan Kosova, Hasani tha se Kosova ofron gjëra të bukura dhe interesante për vizitorët, duke theksuar se viteve të fundit ky sektor ka njohur një hov të ndjeshëm.
“Viteve të fundit, duke filluar prej 2023-tës e deri më sot e kemi një rritje goxha të madhe të turizmit. Ka plot faktorë që kanë mundur të ndikojnë në rritjen e saj”, u shpreh ai në emisionin e cituar nga Klan Kosova.
Hasani shtoi se Kosova, si vend evropian për të cilin të gjithë kanë dëgjuar për luftën dhe për atë që ka ndodhur, është sot një vend i lirë, i sigurtë dhe ka çka të ofrojë për turistët.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.