Hidhet shorti, kush është trupa që do të gjykojë Metën dhe Kryemadhin

Pas ndarjes së dosjes “Meta”, është përcaktuar edhe trupa gjykuese që do të shqyrtojë çështjen në Gjykatë ndaj Ilir Metës dhe Monika Kryemadhit të cilët nuk pranuan gjykimin e shkurtuar dhe do të gjykohen me procedurë të zakonshme.

Sipas shortit të hedhur, gjyqtarët Erjon Bani, Rudina Palloj dhe Marinela Osmani do të shqyrtojnë dosjen penale ndaj ish-presidentit Ilir Meta dhe ish-kryetares së LSI-së, Monika Kryemadhi.

Ndërkohë, për personat e tjerë të përfshirë në të njëjtën dosje, përfshirë Fatime Kryemadhin, gjykimi do të vijojë me procedurë të shkurtuar.