Holanda fiton Kupën e Botës! Dështon edhe matematicieni gjerman, mbreti i parashikimeve

Kishte një rekord me tre parashikime të goditura: Gjermania në 2014-ën, Franca në 2018-ën dhe Argjentina në 2022-shin. Këtë herë gaboi.

Matematicieni gjerman, Joachim Klement, mbreti i parashikimeve për fituesin e Botërorëve, kishte thënë se Holanda do të ngrinte lart Kupën e Botës 2026, por ajo u eliminua që në 1/16-at nga Maroku me penallti.

Modeli që çonte Klement te prognozat e sakta bazohej te disa elementë: nga popullsia, statusi i futbollit në shoqëri, renditja e FIFA-s dhe natyrisht, një dozë e mirë e fatit.

Në tabelën hipotetike të gjermanit para nisjes së kompeticionit, gjysmëfinalet do të ishin Portugali-Angli dhe Holandë-Spanjë, me “Oranje” që do të kalonin Cristiano Ronaldo-n në aktin final.

Pavarësisht precedentëve të mëparshëm, vetë matematicieni kishte pohuar se është e pamundur të gjesh rezultatet në fushë: “Bëhet fjalë për diçka irracionale, një llotari. Nëse dikush vë bast duke u bazuar te parashikimet e mia, nuk po bën diçka të arsyeshme. Edhe pse i kam parashikuar saktë tre fituesit e mëparshëm”.